Oda e Hotelierisë kërkon të lëshohet teleferiku në Brezovicë

Oda e Hotelierisë dhe Turizmit e Kosovës, ka kërkuar që teleferiku në qendrën e skijimit në Brezovicë, të vihet në funksion dhe njëherësh të lejohen edhe turistët e pavaksinuar me dy dozat kundër COVID-19 të hyjnë në pikën kufitare “Jazhicë Glloboqicë”.

Nëpërmjet një komunikate, kjo odë është ankuar për mosfunksionimin e këtij teleferiku, të cilin e quajnë një ndër atraksionet më të vizituara në këtë vend dhe që është dashur të hynte në funksion që nga data 25 dhjetor.