Reperi i njohur, Noizy po vazhdon të jetë aktiv me koncerte e mbrëmje të shumta muzikore.
Një të tillë ai e ka mbajtur edhe së fundmi, në të cilin kishte një numër të madh fansash që kishin ardhur ta shohin performancën e tij.
I njohur për jetën luksoze dhe veshje e aksesor që kushtojnë mijëra euro, Noizy edhe në paraqitjen e fundit mbante me veti një qafore me gurë të çmuar.
Por, teksa këndonte në skenë në një moment reperi u hodh mbi turmën para tij, kur u rikthye varësen nuk e kishte më në qafë.
Këtë momente e ka ndarë me fansat në TikTok vetë reperi, teksa shkruan: Iku varësja.
Megjithatë, reperi ka arritur ta gjej qaforen, këtë e bëri të ditur pas pak orësh në një postim tjetër në TikTok.
“Nuk ka lind akoma ai që e merr”, ka shkruar Noizy në mbishkrimin e videos në të cilën përveç varëses shihet edhe një orë ari.
